爆丼屋 (已搬遷) 新店位置

好耐無食爆丼屋！九龍灣原來開咗一間分店，我地行完街就去食個晚餐先。環境好似比旺角闊落，坐得更舒適👍🏻呢到用Qr Code落單，好方便。食物上菜好快，落單後就即刻攞咗麵豉湯同汽水比我地。麵豉湯入面有除咗有海帶、蘿白，仲有少少豬肉，幾足料喎！六重相撲爆盛丼 $225呢個丼飯用料豐富，六重分別係有三文魚籽、海膽、牛油果、灸燒左口魚裙邊、蟹肉、黑魚籽。米飯上面首先蓋滿三文魚籽，份量超多。再有其他食材，擺放得整齊。三文魚籽拌飯，帶有咸香。制覇!鵝肝海鮮盛丼 $248相機食先之後就督開蛋黃，濃濃嘅蛋黃會滲入成碗飯。上層嘅鵝肝燒過之後充滿油香，慢慢滲入米飯，好香！有好多片帶子圍在碗邊，肉質好滑嫩。