爆丼屋 (已搬遷) 新店位置

想食魚生飯又想食得滿足，就可以考慮呢一間。佢款式多配料多，可以指定或者自選。▶️四重火山盛丼🌋$298賣相相當豐盛，以為個碗細細，但係原來入邊都幾多飯，配料有海膽、蟹肉、三文魚籽及吞拿魚蓉。海膽味道唔錯，而且鍾意有好多蟹肉可以撈飯，味道幾鮮；仲有吞拿魚蓉都係我嘅大愛之一，夾埋三文魚籽，整個當飯都幾鮮味！▶️六重相撲惠盛丼$225有黑魚子、海膽、三文魚籽、左口魚裙邊、蟹肉、牛油果🥑呢個配料相當多，有六種。配上牛油果，感覺健康，面上有少少黑魚子鹹鹹地；海膽份量比四重火山盛少。佢亦都配有三文魚子及蟹肉，不過左口魚裙邊先至係主角，入口即溶有火炙香。