Tapa Room (積福大廈)

營業中

休息中

本來諗住食中菜，但離遠見到鵝頸橋底有霓虹燈，顏色吸引到我行去睇睇，原來係西班牙tapa餐廳，都係我中意嘅菜式，氛圍又好，決定即刻轉食呢間🤣 棒棒鵝肝 $783支好似珍寶珠造型咁上菜，放入口好似雪糕咁冰凍而且口感超順滑，食落唔油膩之餘仲好香口😋 薄切灸燒吞拿魚腩 $88灸燒過後魚腩油香散發出來，肉質軟腍，配合各款調味好惹味。 巴塞隆拿式烤紅蝦 $88調味非常到位，蝦肉口感彈牙而且離殼非常易剝。 檸汁白酒煮蜆$98份量都唔少，蜆全部都開哂口，蜆肉肉質有彈性而且鮮味，用洋蔥及各種材料調味非常香口。 烤煎慢煮西班牙黑毛豬安架配些里醋燒汁伴炸薯粒$158豬安肉有些少硬和鞋口，不過味道唔錯，仲大大量薯粒做伴碟，飽腹感非常足夠。