友義氣‧酸菜魚 (已結業)

今日同朋友去佢屋企附近整車放低架車就喺附近搵野食點知咁都俾我地食到好西！呢度最出名酸菜魚入到黎個個都叫酸菜魚我地都決定試下有標準同加大未試過嘅我地試左標準先唔敢叫太辣試個小辣份量好大辣椒唔會太多，我地都無咁驚聞落去已經想流口水🤤試啖湯覺得酸味幾足辣得幾惹味仲有啲蒜香魚肉好滑而且有好多湯底仲有萵荀、紅薯粉豆芽同金菇全部都好入味！除左酸菜魚我地仲試左佢個招牌黃金系列黃金魷魚炸得超香脆炸粉好薄魷魚唔韌用黎送飯都好正！食辣野當然要飲野估唔到飲品有驚喜！超大杯檸檬茶！凍檸茶夠晒凍茶底唔錯勁解渴！我就要左杯芒果乳酸入面仲有啲爆珠添！呢度野食唔錯唔怪得位置有啲隔涉午市都爆晒場！