火鍋隨意門

營業中

休息中

餐廳位置近時代廣場，過左鵝頸橋就到左。中午約左同事食下海鮮食下靚牛，慢慢坐慢慢食傾下計。土耳其🇹🇷裝修好靚，七彩繽紛。坐位超闊落，張枱又大大張，坐得舒適。海鮮最鐘意食蜆，當然叫左招牌沙白蜆🐚配黑蒜美顏；濃湯好惹味，仲愈食愈濃，就咁飲兩大碗都唔會覺口渴。蜆真係食極都仲有，配爽口銀芽好健康。餐牌手打丸大大粒，特別炮製平時好少食到，就叫左拼盤試晒。🥟蟹皇豚肉餃實肉有蟹味，皮簿餡靚。真.黄金響鈴同炸魚皮好香口，鹹蛋黄唔會油，可以浸湯或就咁食同事最鐘意清酒牛肉，牛肉又淋又靚，浸住清酒🍶升級左。