影片
更多
2023-10-27
134 瀏覽
呢排凍凍地係時候打邊爐喇！平時通常都係食港式火鍋多今次就去咗食日式嘅shabu shabu，做咩事咁豪咪就係呢間餐廳做緊買一送一優惠囉，咁鬼抵你話點可以唔去食吖。邊間餐廳咁正咪就係沙田帝逸酒店入面嘅源峰囉！上次嚟食好嘢已經係3年前staycation嘅時候，久別重逢嘅我真係好鬼期待呀。呢度嘅環境依然係咁鬼正！居高臨下又有落地玻璃好開陽好舒適。今次同埋一班好朋友嚟食梗係要飲番支清酒開心吓啦。呢枝車坂純米吟釀酒香溫和口感清脆味道微微酸，經過冷卻後飲落更加好味。我哋今日食呢一個鍋物有好多道菜，首先嚟嘅係前菜涼拌菊菜野菌鰹魚湯浸漬，入面有啲菊菜仲有白舞茸同埋我第一次食嘅白占地茸，食落去好清香幾唔錯喎。跟住嚟嘅係刺身總共有五款咁多！有中吞拿魚腩、縞鯵、鯛魚、牡丹蝦同埋帆立貝刺身。五款都咁鬼新鮮不過重口味嘅我梗係鍾意嗰件中拖羅，貪佢夠魚油入口好鬼滑味道仲好香甜。跟住呢個係蟹肉茶碗蒸，鋪到滿晒嘅蟹肉下面係滑嘟嘟嘅蒸蛋，仲要鬼咁大碗細食嘅人睇路啊！因為仲有好多好嘢要食㗎。呢個鰤魚照燒勁厚肉好有咬口魚味仲好濃，另外伴碟有啲芽薑同埋梅子可以解膩添。真係沒完沒了原來仲有個蝦餅天婦羅，呢個蝦餅香脆又足料不過都
邊間餐廳咁正咪就係沙田帝逸酒店入面嘅源峰囉！上次嚟食好嘢已經係3年前staycation嘅時候，久別重逢嘅我真係好鬼期待呀。
呢度嘅環境依然係咁鬼正！居高臨下又有落地玻璃好開陽好舒適。
今次同埋一班好朋友嚟食梗係要飲番支清酒開心吓啦。
呢枝車坂純米吟釀酒香溫和口感清脆味道微微酸，經過冷卻後飲落更加好味。
我哋今日食呢一個鍋物有好多道菜，首先嚟嘅係前菜涼拌菊菜野菌鰹魚湯浸漬，入面有啲菊菜仲有白舞茸同埋我第一次食嘅白占地茸，食落去好清香幾唔錯喎。
跟住嚟嘅係刺身總共有五款咁多！有中吞拿魚腩、縞鯵、鯛魚、牡丹蝦同埋帆立貝刺身。
五款都咁鬼新鮮不過重口味嘅我梗係鍾意嗰件中拖羅，貪佢夠魚油入口好鬼滑味道仲好香甜。
跟住呢個係蟹肉茶碗蒸，鋪到滿晒嘅蟹肉下面係滑嘟嘟嘅蒸蛋，仲要鬼咁大碗細食嘅人睇路啊！因為仲有好多好嘢要食㗎。
呢個鰤魚照燒勁厚肉好有咬口魚味仲好濃，另外伴碟有啲芽薑同埋梅子可以解膩添。
真係沒完沒了原來仲有個蝦餅天婦羅，呢個蝦餅香脆又足料不過都幾鬼飽肚。
我一路留肚就係為咗等呢個鹿兒島黑豚肉常夜鍋出場，呢個鍋除咗有黑豚肉之外仲有一大碗野菜同埋巨量烏冬，就算好似我咁大食嘅人見到都眼突啦。
呢個鍋嘅湯底係清甜嘅昆布湯底，用嚟配肥美嘅黑豚肉真係好鬼啱Channel。
有好多大白菜同埋日本水菜，仲有京蔥、菇菇同埋好鬼嫩滑嘅豆腐，配埋黑豚肉嘅香味呢啖湯好鮮甜，最後用嚟煮埋墊底嘅葛絲真係好食到停唔到口。
呢個黑豚肉份量真係多到一個點，放落湯底灼幾下就已經可以食，肉質好有彈性肉味仲好香濃添。
如果你真係大食得咁緊要都唔使擔心！因為呢個餐入邊仲有個巨量嘅稻庭烏冬，我肯定幾大食嘅人都應該可以捧住個大肚腩走人哈哈。
未完㗎我哋仲有甜品焦糖燉蛋食，又香又滑甜唔會好甜呢個甜品好好味喎！嗱呢個日式火鍋嘅套餐買一送一做到呢個月30號咋！每日只會供應10套( 20位客人)優惠要食嘅快啲訂枱啦。
張貼
