黑布小巷 (木蘭苑) (已結業)

黑布小巷📍北角炮台山電氣道160號木蘭苑地下A號舖呢日約咗朋友去銅鑼灣食飯，因為早得濟，而且受我妹所托幫佢去炮台山間M記同隻baby mirror Jer打卡，所以就去咗炮台山行下。影完相都未夠鐘，但朋友又有啲肚餓，所以佢上網搵咗間cafe，諗住可以坐低食啲輕食。點知搵到先發現無開，所以就睇下佢附近有無咩啱食。咁啱喺隔幾步就見到呢間台式外賣店，雖然價錢少貴、門面亦唔係太靚，但見到佢寫住係黃店同有好幾個媒體訪問，估計唔會太伏，所以就決定買一份試下！ 💰$53慢烤雞腿芝士蛋吐司 🍞嘩，你有無食過一份會滴汁嘅吐司？台式吐司食得多，但啲餡好似瀑布咁流出嚟嘅，我就真係未試過啦！未咬落去已經見到啲芝士好似熔岩咁湧出嚟，加埋隻流心蛋嘅蛋汁，誇張到好似用蛋漿同芝士浸過件吐司咁，一邊食、一邊滴。雖然多汁，但佢件吐司烤得好香脆，塗嘅牛油又好香，所以唔會出現吸咗啲汁，包就淋晒嘅問題。主角雞扒係以慢烤方式烹製，加上係雞腿肉，口感份外嫩滑多汁，食嘅時候基本上係可以用吸嚟形容，超易咬，調味超入味！一開始見到價錢我的確有少少卻步，但朋友就趁我周圍望嘅時間，用手機落咗單，所以我先有機會試到咁美味嘅吐司三文治！如果每日