祥興記上海生煎包 (已結業)

做完野經過天后(近維園位置), 見呢間生煎包店係米芝蓮推介, 決定買返去公司做下午茶.原味$34/4粒size都幾大粒喎，唔好貪心一口食晒  佢都標榜會爆汁，所以提示大家小咬一口飲左D湯先慢慢食。食第一粒...果然真係好多湯響入面呀!!!!!!!正呀喂!!!!!!! 食第2粒無為意無飲晒D湯，結果第2啖一咬就噴到成檯都係。(所以大家都係小心D, 飲清D湯先慢慢食)另外值得一讚係""皮薄""，而且個底金黃色好香脆 (vs. 北角排長龍的小老x果D係細粒+好厚皮+煎燶個底, 但價錢平嘅)。店員2位姐姐都好好態度，唔會因為淨係幫襯4粒生煎包就唔禮貌。