皇后餃子 (已結業)

改個名叫皇后餃子，講到明招牌菜係食餃子啦。有煎餃、炸餃同湯餃。我通常食煎餃。餃子口味多，呢日我食左芝士玉米、同白菜豬肉。玉米即係粟米啦，加左少少芝士既粟米特別香甜，好正。而且餃子皮薄煎到極其香脆，好好食呀 😋😋😋白菜豬肉就更正，因為一咬落去會爆汁，非常好食。而最重要而不可或缺既係店秘製既酸甜醋汁同菜寶，係食皇后餃子必要汁料，一定要沾食。椰菜豬肉、韭菜豬肉一樣會爆汁，即叫即煎，超正。京蔥牛、芫茜餃亦都香口。除左泡菜仲未食過之外，所有口味食過晒，好味。驚餃子唔夠飽肚，仲可以食炒米、炒麵或狗仔粉。狗仔粉餸料少，味道較清淡，鐘意食濃味既人就未必喜歡，但我okay. 份量幾多，抵食 👍🏻