辛味屋

營業中

休息中

平時就算嚟到荃灣, 都好少行到過嚟荃新天地二期, 原來呢邊都有唔少餐廳。見呢間辛味屋人氣都幾旺, 就同朋友入去試一試。 本來一心一意食拉麵, 但拎起餐牌選擇繁多, 最後俾豐富嘅晚市定食吸引咗。  蒜片雪花牛柳定食 $108 爆炒牛柳粒上檯時熱哄哄, 蒜香味突出, 牛柳粒油脂溢出,牛油伴白飯夠晒滋味。牛柳一旁嘅椰菜絲清甜爽口, 起解膩作用。定食仲附上薯仔沙律、麵豉湯、漬物, 都幾豐富, 白飯仲係大大碗, 相信一般女生都唔會食得晒啦。