影片
更多
2011-05-08
4 瀏覽
野食未到之前先等烏來’中’下ｄ芝麻先，一路磨一路”飄來芝麻之香～～～” 先泥原味豚肉芝士包包定食（＄７８）！隨左原味豚肉，仲有雞肉芝士包包和Wasabi芝士包包，不過間舖叫得做豚組，更加要試下佢o既招牌豚啦！ 唏！烏龜一切ｄ芝士即使好震撼咁爆出泥！不過好似唔夠熱喎...本鯊都未影完ｄ芝士已經開始凝固啦... 咁唯有拿拿臨食啦烏龜試第一啖：幾重芝士味wo! 因為有芝士係度，我建議唔好係頭先’中’個d芝麻加太多醬油。因為d醬油太多會鹹得滯，當點埋d芝麻食個時就會蓋過芝麻同芝士本身既香味。本鯊試第二啖：外皮鬆脆，芝士味都尚算濃郁，豚肉因為唔太厚肉所以唔會覺得太鞋太乾，雖然食落唔太驚喜，不過overall都幾好咪。點一點芝麻醬，食落會覺得更香口。 本鯊o既吉列蠔定食到（＄７５）！＄７５五大隻蠔係唔係好抵呢～？ 我咬！烏龜：嗯…d油冇過量，幾脆幾香，但係D蠔好似熟左D，否則入面可以又滑又juicy! 本鯊：表面唔太油，可惜食落略嫌蠔未夠新鮮，而且唔夠juicy唔夠蠔味，只係可以接受 由於好濟，食兩隻而且令本鯊投降lu...飲淡麵豉湯先，湯裡面有一至兩小塊豚肉同兩塊蒟蒻，冇乜麵豉味，但鹹鹹地又幾好
野食未到之前先等烏來’中’下ｄ芝麻先，一路磨一路”飄來芝麻之香～～～”
先泥原味豚肉芝士包包定食（＄７８）！隨左原味豚肉，仲有雞肉芝士包包和Wasabi芝士包包，不過間舖叫得做豚組，更加要試下佢o既招牌豚啦！
唏！烏龜一切ｄ芝士即使好震撼咁爆出泥！不過好似唔夠熱喎...本鯊都未影完ｄ芝士已經開始凝固啦... 咁唯有拿拿臨食啦烏龜試第一啖：幾重芝士味wo! 因為有芝士係度，我建議唔好係頭先’中’個d芝麻加太多醬油。因為d醬油太多會鹹得滯，當點埋d芝麻食個時就會蓋過芝麻同芝士本身既香味。
本鯊試第二啖：外皮鬆脆，芝士味都尚算濃郁，豚肉因為唔太厚肉所以唔會覺得太鞋太乾，雖然食落唔太驚喜，不過overall都幾好咪。點一點芝麻醬，食落會覺得更香口。
本鯊o既吉列蠔定食到（＄７５）！＄７５五大隻蠔係唔係好抵呢～？
我咬！烏龜：嗯…d油冇過量，幾脆幾香，但係D蠔好似熟左D，否則入面可以又滑又juicy!
本鯊：表面唔太油，可惜食落略嫌蠔未夠新鮮，而且唔夠juicy唔夠蠔味，只係可以接受 由於好濟，食兩隻而且令本鯊投降lu...
飲淡麵豉湯先，湯裡面有一至兩小塊豚肉同兩塊蒟蒻，冇乜麵豉味，但鹹鹹地又幾好味。不過好油呀！！！油到好似飲油咁！烏龜飲左兩啖就頂唔順啦... 食到好飽飽！食返ｄ椰菜絲消消濟先～ 有兩款醬汁可以用泥調味：有紅點貼紙個樽係柚子，而有綠點貼紙個樽係芥末。柚子醬汁酸酸地好醒胃 不過芥末醬汁就得好輕好輕好輕o既wasabi味，唔細心試真唔試唔出=3=
最後整返杯荔枝乳酸梳打（跟餐＄１０），酸酸地又有荔枝味，唔錯。
埋單＄１８０，雖然旺角店冇得refill飯同椰菜絲又冇甜品（布甸），不過個餐本身夠大夠滯，而且更重要o既係平around＄２０喎！對於貧窮又唔係好大食o既鯊龜旺角店會比較適合～
總括泥講，以價錢計呢度o既quality係絕對合格，係可以翻叮之選。(如果唔怕滯得話，鯊龜滯到短期內都唔敢再泥 )
更多相請到本鯊新開張o既ｂｌｏｇ多多支持：
張貼
