Garrett Popcorn (已結業)

前日去荔園之前係IFC 見到一間好特別既店，原來係人氣爆燈好出名既Garrett Popcorn，於是就試一試la~~~Wah!真係花多眼亂，全店有成8種口味7種唔同既size，當我諗緊買邊款之際，店員好快就遞左幾款爆谷味道俾我嘗試，仲話可以mix 3款tim~~~真係好服務。我試左咁多款，杏仁焦糖脆脆同夏威夷果仁焦糖脆脆都係我最愛，就呢2款la~~~雖然係紙袋包裝，但絕對唔馬虎ga~~紙袋夠厚，唔會令到成手油淋淋，再加上有鐵線封袋口，令到d爆谷唔會咁容易淋sin。一開個紙袋，好香ar….急不及待咬左一粒夏威夷果仁先，大大粒夏威夷果仁(杏仁同樣咁大粒)，爆谷仲係暖、脆口ga~~~厚厚外層香濃既焦糖同樣咁香脆加埋牛油既香味，簡直食完一粒又一粒，非常惹味，食到停唔到口，份量亦好足。