影片
更多
2022-06-21
249 瀏覽
一直以嚟都好鍾意食章魚小丸子， 但章魚小丸子嘅質素可以好參差， 食過好多間難食嘅， 終於搵到呢間係爆好食既!!!一睇個menu已經好吸引， 佢同傳統單一嘅章魚小丸子唔同 ， 有好多款式好多醬料任君選擇 ，每一個款式嘅賣相都好誘人，令人想每一款都叫黎食。最終艱難地選擇咗 和風蜜糖芥未 搭 超濃香黑松露 雙拼。 可以選擇六粒或者八粒， 我咁為食當然選擇咗八粒，。由於係即叫即整， 所以非常非常之熱辣辣， 佢嘅醬料同木魚絲都非常之多， 醬料包裹住每一粒嘅小丸子，見到都流曬口水。終於放涼咗少少， 一咬落去，簡直幸福感爆棚， 小丸子外皮焦脆，入面軟糯， 絕對唔係成口麵粉一團漿糊咁， 裏面仲有粒粒嘅章魚，非常足料。和風蜜糖芥末：酸酸甜甜，又帶點芥末既香味，令人一食就停唔到口超濃香黑松露： 黑松露配上蛋黃醬同燒汁， 雖然黑松露味稍微被醬料蓋過， 但仍然係十分美味PS 由於每一份小丸子都係即叫即整， 時間約需十五分鐘， 如果週末繁忙時間多人時， 有時要等更加耐， 建議大家可以先落單， 然後到其他店掃街或買嘢飲，節省時間
一睇個menu已經好吸引， 佢同傳統單一嘅章魚小丸子唔同 ， 有好多款式好多醬料任君選擇 ，每一個款式嘅賣相都好誘人，令人想每一款都叫黎食。
最終艱難地選擇咗 和風蜜糖芥未 搭 超濃香黑松露 雙拼。 可以選擇六粒或者八粒， 我咁為食當然選擇咗八粒，。由於係即叫即整， 所以非常非常之熱辣辣， 佢嘅醬料同木魚絲都非常之多， 醬料包裹住每一粒嘅小丸子，見到都流曬口水。
終於放涼咗少少， 一咬落去，簡直幸福感爆棚， 小丸子外皮焦脆，入面軟糯， 絕對唔係成口麵粉一團漿糊咁， 裏面仲有粒粒嘅章魚，非常足料。
和風蜜糖芥末：酸酸甜甜，又帶點芥末既香味，令人一食就停唔到口
超濃香黑松露： 黑松露配上蛋黃醬同燒汁， 雖然黑松露味稍微被醬料蓋過， 但仍然係十分美味
PS 由於每一份小丸子都係即叫即整， 時間約需十五分鐘， 如果週末繁忙時間多人時， 有時要等更加耐， 建議大家可以先落單， 然後到其他店掃街或買嘢飲，節省時間
張貼
