Chotto Maki (利源西街) (已結業)

其實間餐廳係區內都頗具名氣，唔少中環嘅打工仔都嚟幫襯。因為Chotto Maki 主打外賣，所以店內其實只有幾張枱，食物嘅製作係喺開放式廚房度，衛生控製做得幾好。我點咗嘅Sea Monster非常足料，叫得做Sea Monster當然係海鮮餡料為主，包著蟹肉、天婦羅蝦、青瓜絲嘅卷物，上面淋上櫻花蝦同炸蒜片，係視覺同味覺嘅享受！另外我朋友就揀咗Philadelphia，材料有牛油果、三文魚同蟹子，卷物切成8舊一口食得曬嘅大細，同樣值得推介。