Antoshimo Cafe & Bakery (已結業)

朋友之前係網上睇到介紹 話有特色沖繩炸麵包於是就一齊去覓食啦👏🏼去到，原來佢係係朗豪坊既角位，都幾多人等位。所以個下就開始奇怪啦，乜唔係出名食麵包架咩？唔通冇得淨係嗌個包要跟餐加錢叫？哦哦，原來唔係既，係可以外賣既🙆🏼我地一共叫左兩個唔同味，一個係紅芋年糕；另一個係墨西哥豬肉（？）呢個就係我叫既紅芋年糕，炸麵包出到黎真係熱辣辣喇！要小心啲食先唔會辣到啲脷！😝😝😝一哎落去，就即刻食到啲餡啦，絕對唔係空氣包質素😂 之後個餡原先仲怕會好甜，點知原來夾得唔錯，唔太甜，年糕可能因為熱辣辣既關係，所以同啲芋蓉撈埋左一齊，食到佢凍凍地既時候，先可以好似卡通片咁拉到一條長絲出黎😂👍🏼讚 呢個就係朋友既墨西哥豬肉，佢話好味👍🏼（我冇試過就唔知啦）不過話係季節限定，想試既應該要快手啲啦。總結：紅芋年糕包係幾出色喇👍🏼新奇又有趣，$18一隻都係略貴啦，唔知嗌餐加係咪平啲呢。