一起素 (已結業)

今朝氣溫雖然只有8度，但係由於要返學校辦啲事，所以都逼自己走一轉！辦完事後剛好接近午飯時間，就隨便搵間canteen食個快飯！今日又咁凍，不如去食碗熱辣辣嘅素水餃啦！諗起自己都好耐冇食，Yoshi~即刻起行。幸好今日都繼續有開，但人流未見十分多！落咗單之後等咗一陣，好快姐姐就嗌冧把，然後一碗自家製嘅素餃子就出場喇！嘩，真係粒粒都爆餡架，咁多年都係呢個份量！而且湯裡面有我鍾意嘅唐生菜同番茄，並且聲稱所有食物一律無添加味精！果然食完後一啲都唔口渴！好正！