影片
更多
2016-07-05
116 瀏覽
蟹柳拉麵喺屋企就食得多，成隻膏蟹同拉麵一齊食都係第一次，仲有排玩有排嘆。成隻生煮蟹黄拉麵一上枱就見到爆多膏，用嘅係原隻膏蟹，係原隻！啲膏仲要係金黃色，軟綿綿，有陣甘香。個蟹蓋越挖越有膏，兩邊內側全部都係膏。忽發奇想除咗配拉麵食，配飯一齊撈撈撈扮食韓式醬油蟹蓋撈飯都好吖！於是拎咗朋友啲飯嚟撈，自製蟹黃撈飯就成！滿滿嘅蟹黃夠撈幾匙飯！講返拉麵湯底，本身用豬骨嚟餚製，夠濃無味精;拉麵本身軟硬適中，份量唔算太多，啱晒我留肚食其他燒物。呢度燒物串燒都算多選擇，又多海鮮揀，其中有我至愛帆立貝，仲有好幾款醬汁配料揀，包括香蒜牛油、芝士燒同秘汁燒！秘汁甜甜地，加埋芝士就更加重口味，坊間少有。未夠飽，可以叫一款特別小食叫燒飯糰，今次叫咗個三文魚燒飯糰，飯糰唔係平時食開嘅壽司形或三角形，而係冬甩形，好可愛！飯糰表面燒得焦脆，微微燒焦嘅感覺，喜歡食飯焦嘅朋友就最啱！飯糰下層嘅飯微軟，附夾三文魚就帶點咸香，再多啲三文魚都唔區呀！
成隻生煮蟹黄拉麵一上枱就見到爆多膏，用嘅係原隻膏蟹，係原隻！啲膏仲要係金黃色，軟綿綿，有陣甘香。
個蟹蓋越挖越有膏，兩邊內側全部都係膏。忽發奇想除咗配拉麵食，配飯一齊撈撈撈扮食韓式醬油蟹蓋撈飯都好吖！於是拎咗朋友啲飯嚟撈，自製蟹黃撈飯就成！滿滿嘅蟹黃夠撈幾匙飯！
講返拉麵湯底，本身用豬骨嚟餚製，夠濃無味精;拉麵本身軟硬適中，份量唔算太多，啱晒我留肚食其他燒物。
呢度燒物串燒都算多選擇，又多海鮮揀，其中有我至愛帆立貝，仲有好幾款醬汁配料揀，包括香蒜牛油、芝士燒同秘汁燒！秘汁甜甜地，加埋芝士就更加重口味，坊間少有。
未夠飽，可以叫一款特別小食叫燒飯糰，今次叫咗個三文魚燒飯糰，飯糰唔係平時食開嘅壽司形或三角形，而係冬甩形，好可愛！飯糰表面燒得焦脆，微微燒焦嘅感覺，喜歡食飯焦嘅朋友就最啱！飯糰下層嘅飯微軟，附夾三文魚就帶點咸香，再多啲三文魚都唔區呀！
張貼
