影片
更多
2013-03-16
134 瀏覽
今晚自己食自己，不想走遠，就在地鐵站旁的 PopCorn 搵食，選擇了土司工坊，點下巴東牛肉黃薑飯配南洋咖啡的套餐 ($48)，先取咖啡和牌號後，找個空位坐底等候，當時是七點二十五分。南洋咖啡賣相跟平時沒兩樣，奇怪是多了一支黑飲管，究竟這支飲管有何作用? 再看看四周，鄰檯食客全把飲管放進杯子內，並用飲管去飲咖啡／奶茶，超！級！奇！怪！首先，點解唔可以直接拿起杯飲？怕咖啡／奶茶太熱會燙口？試呷一口又唔覺有問題喎！其次，支飲管究竟有咩作用？用來攪勻咖啡？咁點解唔比隻匙我？用支幼身飲攪得勻 d 煉奶咩？！再者，插支半長不短既飲管落杯咖啡度，睇落都覺得好 「kai」，完全係多此一舉，就好似... 好似....你唔會著住雨衣擔摭架嘛！！！使乜飲管架？拎起飲咪得囉，怕隻杯唔衛生咩？好喇，邊鬧邊飲，唔經唔覺杯啡已經飲晒，說好的巴東牛肉黃薑飯呢？結果，足足等了二十分鐘，主角才隆重登場，偏偏碟飯既賣相超！級！唔！得！我夠膽講係我人生食過最 「hea」 既一個巴東牛肉黃薑飯！除此以外，個配套更加令我啼笑皆非，點解係用膠叉，莫非堂堂一間土司工坊「無叉用」？巴東牛肉，竟然只係得兩件仔，全瘦的肉質，一咬落去成口
南洋咖啡賣相跟平時沒兩樣，奇怪是多了一支黑飲管，究竟這支飲管有何作用? 再看看四周，鄰檯食客全把飲管放進杯子內，並用飲管去飲咖啡／奶茶，超！級！奇！怪！首先，點解唔可以直接拿起杯飲？怕咖啡／奶茶太熱會燙口？試呷一口又唔覺有問題喎！
其次，支飲管究竟有咩作用？用來攪勻咖啡？咁點解唔比隻匙我？用支幼身飲攪得勻 d 煉奶咩？！
再者，插支半長不短既飲管落杯咖啡度，睇落都覺得好 「kai」，完全係多此一舉，就好似... 好似....你唔會著住雨衣擔摭架嘛！！！使乜飲管架？拎起飲咪得囉，怕隻杯唔衛生咩？
好喇，邊鬧邊飲，唔經唔覺杯啡已經飲晒，說好的巴東牛肉黃薑飯呢？
結果，足足等了二十分鐘，主角才隆重登場，偏偏碟飯既賣相超！級！唔！得！我夠膽講係我人生食過最 「hea」 既一個巴東牛肉黃薑飯！除此以外，個配套更加令我啼笑皆非，點解係用膠叉，莫非堂堂一間土司工坊「無叉用」？
巴東牛肉，竟然只係得兩件仔，全瘦的肉質，一咬落去成口渣，嘩，今舖杰！個黃薑飯只得微熱，唔香，一放入口，就只得一個脆字，但相比起巴東牛肉，已經算係比較正常。
牛肉難吃，唔想浪費就唯有搏命撈汁食啦，醬汁味道帶小辣，唔算好味架喇，係夠開胃囉，已經幫到好大忙架喇，但可惜個汁真係唔多，食完兩啖，已經乾晒塘．．．．．．
咁我唯有食埋 d 青瓜同蝦片啦，青瓜酸酸地，應該係全餐最好食既野 （高主教上身：「感謝主!」)，後者就合乎預期啦，完全唔脆既，我真係食到想爆粗，如果第一次食星馬野食著咁既質素，好可能從今以後唔敢再食咩喇沙咩黃薑飯咩辣死你阿媽，超大陰影！張貼
