影片
更多
2008-09-20
4 瀏覽
19-9-2008到「下場」前搵地方食 dinner, 同行朋友係九龍區路盲 (?) 0既關係, 被我「拐帶」到我一直想試的譚仔 雖然自己唔受得辣, 但0黎到雲南/四川米線專門店又無理由唔試試有辣的湯底, 結果要了最大堆頭的過橋米線 ($39), 配小辣 5 級 (ie 最最最最最少辣) 麻辣湯底 (加 $1), 加杯凍奶茶以備「不時之需」; 另加一細份蒜泥白肉 ($20) 同朋友 share 食.蒜泥白肉咁0既賣相, 叫「紅油白肉」會更貼切 白肉幾肥, 片得好薄, 浸0係一「池」紅油入面, 面頭就有勁多生蒜蓉, 味道又唔算好辣, 蒜味強烈, 舌頭都痹埋, 食得過癮, 唔錯唔錯.過橋米線份量係大得十分嚇人, 個碗仲大過我個頭! 先呷啖湯底, 係先麻後辣 (亦當然愈食愈辣), 到最後舌頭及嘴唇都勁痕, 哈哈. 米線淥得剛好, 爽口又索湯, 仲浸極都唔會「發大」and/or 腍晒, 勁! 可惜份量太多, 食唔晒; 配料乜都有 d, 雞肉幾0鞋不過幾腍, 牛肉豬肉無味六梳打, 豬潤太硬又帶點苦澀, 竹笙爽口索湯, 腐竹幾有咬口, 墨魚丸彈牙又足料, 牛丸彈牙但就幾「粉團」, 仲
到「下場」前搵地方食 dinner, 同行朋友係九龍區路盲 (?) 0既關係, 被我「拐帶」到我一直想試的譚仔 雖然自己唔受得辣, 但0黎到雲南/四川米線專門店又無理由唔試試有辣的湯底, 結果要了最大堆頭的過橋米線 ($39), 配小辣 5 級 (ie 最最最最最少辣) 麻辣湯底 (加 $1), 加杯凍奶茶以備「不時之需」; 另加一細份蒜泥白肉 ($20) 同朋友 share 食.
蒜泥白肉咁0既賣相, 叫「紅油白肉」會更貼切 白肉幾肥, 片得好薄, 浸0係一「池」紅油入面, 面頭就有勁多生蒜蓉, 味道又唔算好辣, 蒜味強烈, 舌頭都痹埋, 食得過癮, 唔錯唔錯.
過橋米線份量係大得十分嚇人, 個碗仲大過我個頭! 先呷啖湯底, 係先麻後辣 (亦當然愈食愈辣), 到最後舌頭及嘴唇都勁痕, 哈哈. 米線淥得剛好, 爽口又索湯, 仲浸極都唔會「發大」and/or 腍晒, 勁! 可惜份量太多, 食唔晒; 配料乜都有 d, 雞肉幾0鞋不過幾腍, 牛肉豬肉無味六梳打, 豬潤太硬又帶點苦澀, 竹笙爽口索湯, 腐竹幾有咬口, 墨魚丸彈牙又足料, 牛丸彈牙但就幾「粉團」, 仲有食0左都唔記得的韮菜, 芽菜及蔥段. 另外不得不提分開上的帶甜炸醬, 唔辣的, 好惹味, 空口食都得.
朋友的係雞肉 + 豬肉 + 牛肉 + 豆卜米線清湯底 ($28), 比我的細碗, 但仍然好大碗, 結果佢又係食唔晒.
環境新淨闊落, 似乎係新店開張無耐? 阿姐們有求必應, 招呼 ok.
每人約 $50 食到捧住個肚走, 勁抵, 不過自己始終唔係辣人, 未食完一碗已爛了聲, 試了一次未必會再試了.
張貼
