發記甜品 (已結業)

都唔知有無搞錯...本來我以前都好鐘意去旺角呢間發記食甜品，仲要每次同學朋友飯聚，我都提議黎呢到坐多陣食下野。點知今日真係離晒大譜，呢間發記既野食同態度真係越黎越差。雖然我今日去既時間係多人，雖然佢地果一刻既生意真係多到唔優做，但係都唔係咁對d客嘛~~簡直不知所謂!!係咪所有野一出名就會出事既呢??首先我同朋友一行三人食完晚飯10點幾搵甜品食啦~~呢間發記又就腳又方便真係不二之選。點知今到去俾我地係個角落位，由於男性朋友太高，腳根本伸唔直="=要求調位竟然俾服務員不禮貌地一口拒絕，但係我體諒係人多時間，我地3個人霸4個人既位真係「太過份」。最後我地迫左係個角落一陣，等到另外一邊既三人台有位就調左過去。然後食物黎啦...我地分別叫左綠茶棉花冰、豆腐棉花冰同埋雜果涼粉。首先講2個棉花冰，半溶解狀態咁上台，今日天氣真係熱成咁咩??然後正常棉花冰製造既時候應該只係落係碟既中間位置，但係唔知點解上到台，成個碟都有綠色液體，不禁令我地幾個覺得個碟根本無洗過。到我既雜果涼粉上台...蜜爪又生又硬，我相信係唔當造。木瓜...淋到爛，士多啤梨苦既，芒果明顯睇到唔新鮮，至於涼粉...都係苦既。我唔明白點解