影片
更多
6天前
0 瀏覽
除咗「墨西哥包」，我哋好似對墨西哥真係無乜認識！不過，喺香港生活，除咗方便之外，更重要係乜都有得你食，如果想食啲特色菜嘅話都唔難搵。今日我哋就去到中環嘅Santa Monica Cantina，初嘗墨西哥菜，真係愛愛愛呀！Muchos Nachos講到墨西哥菜，就會諗起Nachos。Muchos Nachos作為前菜，但份量一啲都唔少，並配上三種乳酪、炒豆、鱷梨醬、墨西哥辣椒、優格油和皮科德加洛，而皮科德加洛其實即係蕃茄、洋蔥、墨西哥辣椒等等嘅材料切碎混合而成。Nachos上面仲要淋上芝士，加埋肉碎，口感非常之豐富！Carne Asada主食嘅Carne Asada上枱嘅時候，真係令人充滿驚喜。調味草飼裡脊肉烤得非常完美，生熟程度燒得啱啱好，咬落去一啲都唔韌，非常juicy！呢份主菜配上米飯、黑豆、鱷梨醬同薄餅等。但講到我認為嘅最佳配搭，就係拎一塊薄餅，塗上少少牛油果醬，再放上一片裡脊肉，可以中和返肉類嘅油膩感，加添清新嘅感覺。Surf and Turf Tacos呢個Tacos入面有蝦、牛排、牛油果醬、綠色莎莎醬等，由於配料非常豐富，所以一咬落去，就會爆晒啲配料出嚟，口感真係非常豐富
Muchos Nachos
講到墨西哥菜，就會諗起Nachos。Muchos Nachos作為前菜，但份量一啲都唔少，並配上三種乳酪、炒豆、鱷梨醬、墨西哥辣椒、優格油和皮科德加洛，而皮科德加洛其實即係蕃茄、洋蔥、墨西哥辣椒等等嘅材料切碎混合而成。Nachos上面仲要淋上芝士，加埋肉碎，口感非常之豐富！
Carne Asada
主食嘅Carne Asada上枱嘅時候，真係令人充滿驚喜。調味草飼裡脊肉烤得非常完美，生熟程度燒得啱啱好，咬落去一啲都唔韌，非常juicy！呢份主菜配上米飯、黑豆、鱷梨醬同薄餅等。但講到我認為嘅最佳配搭，就係拎一塊薄餅，塗上少少牛油果醬，再放上一片裡脊肉，可以中和返肉類嘅油膩感，加添清新嘅感覺。
Surf and Turf Tacos
呢個Tacos入面有蝦、牛排、牛油果醬、綠色莎莎醬等，由於配料非常豐富，所以一咬落去，就會爆晒啲配料出嚟，口感真係非常豐富！如果鍾意食辣，記住加埋佢嘅辣醬，成個層次又會再昇華。
Mezcal Negroni
如果向來鍾意比較酒味濃嘅雞尾酒的話，十分推薦大家點呢杯。呢杯酒用咗甜苦艾酒，配上柳丁片，係飲嘅過程之中可以慢慢等冰溶化，同埋時間等橙味慢慢滲落酒中，感受先甜後甘嘅層次。
Spiked Blueberry Lemonade
呢杯係由伏特加做base，加入已經絞碎咗嘅藍莓同清爽嘅檸檬水而成，成杯cocktail完全唔會飲到好濃烈嘅酒精味，非常易入口，夠晒Fresh。
張貼
