影片
更多
2022-09-09
63 瀏覽
愛食辣嘅朋友去荃灣搵嘢食，見到呢間麻辣餐廳，非常有興趣，雖然我嘅食辣指數只係bb級，但既然朋友開到口，一於奉陪到底。餐廳裝飾帶有田園風，坐得舒服。睇住張餐牌都唔知食咩好，咁就梗係參考下隔離枱食咩先啦。估唔到差唔多每枱都會叫土豆絲喎，咁一於試個土豆絲啦。朋友鍾情酸菜魚，呢個都係必點嘅。加埋老闆娘推介嘅黃金皮蛋，就係今晚晚餐啦。酸菜魚加一份薯粉。嘩，一大碗上枱，份量十足。裏面有花椒，八角，大量酸菜同比較少見嘅海帶，非常足料。個湯酸度十足，辣度雖然係bb辣，但對我黎講已經辣到流鼻水，朋友就覺得可以再辣啲。薯粉非常吸味，QQ彈牙，我地都爭住食。至於主角係鯇魚，魚肉嫩滑，完全唔會腥。酸辣土豆絲，差啲俾個樣呃左，以為係普通炒薯仔絲，但食落好爽脆，唔係平時嘅淋擗擗薯仔，少少酸辣味令土豆絲更出色，朋友少食澱粉質都忍唔住口食多幾條。黃金皮蛋，唔係平時見嘅黑色皮蛋，而係金黃色嘅流心蛋，彈牙入味，辣味十足，作為涼菜，非常惹味，朋友對呢個讚不絕口。呢幾道菜都好惹味，辣得好過癮，愛辣嘅朋友可以試下
餐廳裝飾帶有田園風，坐得舒服。
睇住張餐牌都唔知食咩好，咁就梗係參考下隔離枱食咩先啦。估唔到差唔多每枱都會叫土豆絲喎，咁一於試個土豆絲啦。朋友鍾情酸菜魚，呢個都係必點嘅。加埋老闆娘推介嘅黃金皮蛋，就係今晚晚餐啦。
酸菜魚加一份薯粉。嘩，一大碗上枱，份量十足。裏面有花椒，八角，大量酸菜同比較少見嘅海帶，非常足料。個湯酸度十足，辣度雖然係bb辣，但對我黎講已經辣到流鼻水，朋友就覺得可以再辣啲。薯粉非常吸味，QQ彈牙，我地都爭住食。至於主角係鯇魚，魚肉嫩滑，完全唔會腥。
酸辣土豆絲，差啲俾個樣呃左，以為係普通炒薯仔絲，但食落好爽脆，唔係平時嘅淋擗擗薯仔，少少酸辣味令土豆絲更出色，朋友少食澱粉質都忍唔住口食多幾條。
黃金皮蛋，唔係平時見嘅黑色皮蛋，而係金黃色嘅流心蛋，彈牙入味，辣味十足，作為涼菜，非常惹味，朋友對呢個讚不絕口。
呢幾道菜都好惹味，辣得好過癮，愛辣嘅朋友可以試下
張貼
