Bâtard (已結業)

三五知己談心好地點，交通唔算非常方便，如果揸車，要自己喺附近搵泊車地點，但環境清幽，晚市去食，非常寧靜，私隱度極高。酒窖喺必去打卡地點，幾乎講得出嘅年份嘅酒都喺度搵到。呢度嘅侍應介紹得詳細，每種酒都介紹到佢嘅特點，食物嘅特色都介紹得好仔細，連點令啲飯乾身啲嘅方法都有研究。前菜建議試多啲，因為每一種都有佢嘅特色，滿足到每一個感官，色香味俱全，唔止打卡滿足到，每種食物嘅味道拼埋一齊好夾。侍應介紹雞同牛都係好食。如果可以，兩種都必須要試。非常好味，隻雞好滑，啲飯乾濕度適中，啲飯吸晒雞嘅香味。牛、軟硬適中，味道調校到突出牛嘅香味，又唔會太鹹。甜品高質，但唔會令人嘩然。重點係啲酒杯好靚，平時鍾意帶自己酒杯飲酒嘅人，嚟到呢度絕對唔需要帶自己嘅私家杯，用呢度嘅酒杯一定滿足到你。鍾意嘅可以喺度買返隻酒杯。