粥棧小廚

營業中

休息中

朋友經常嚟，突然間有一日同我講呢度有黃鱔飯食，（好似講到係新野咁）其實一早已經有，只係佢地一路未有發現😜咁佢興緻勃勃就約咗星期六晚一齊去試吓。預先訂咗黃鱔飯同半隻蔥油雞（名菜）臨場加咗生菜煲同糖醋骨，四個人捧住個肚走。期待既黃鱔飯因為用蒸籠蒸，我本人覺得太多水太淋身，黃鱔份量算多，如果轉左係煲仔飯，相信一定更吸引。蔥油雞係一貫嘅水準，鍾意佢勁多蔥，雞亦嫩滑生菜煲超有鑊氣，好惹味。糖醋排骨炸得好香脆，又係我鍾意嘅香口野，甜酸味適中。我地6點已經開始食，不消一個鐘已經差不多食完。