禮記 (已結業)

是日一家人一齊到將軍澳食飯，晚餐選擇左係禮記食中菜，當慶祝父親節~錦鹵雲吞 雲吞香脆不油膩，配埋醬汁一齊食，酸酸甜甜口感特別。餐廳裝修古色古香，環境舒適和乾净, 同埋樓底高, 望落去空間感好大。職員熱情地為我地介紹, 決定試下"玫瑰荔枝茶"，玫瑰荔枝茶好香，味道清新，小朋友都好鍾意飲。芊芊姐姐仲話要同我乾杯㖭🤣🤣。櫻花蝦鰻魚炒飯 櫻花蝦鰻魚炒飯係用石鍋裝住的，夠晒熱辣辣。我哋一家人都好鍾意食炒飯，呢個炒飯粒粒分明，又唔會好油好熱氣，配埋鰻魚櫻花蝦食啱啱好。招牌鴻運脆皮雞（半隻）店員積極推介呢款招牌雞，一上枱已經覺得好吸引，雞皮好脆，雞肉唔會太多肥, 雞肉嫩滑、入味，非常惹味，芊芊姐姐好鍾意食呀😍。