靚煲皇 (已結業)

父親節就梗係要帶全家出去食好西啦！老公個父親就最鐘意打邊爐，唔想係屋企洗碗洗碟就一於帶佢出去食！Book左位一家六口，去到先知間鋪係蚊型鋪，要坐出面。係好熱架，不過老闆好好安排左部大風機對住我地吹👍🏻唔係任食火鍋，但係價錢都好合理，埋單都唔洗三百蚊位。牛肉同埋蝦滑都好正👍🏻其他火鍋料就正常啦，最心動係佢有蒿荀打邊爐，真係唔係間間店都有😋最後仲加左個象拔蚌刺身，冇影到相。老爺最鐘意食👍🏻適逢有折扣優惠，唔洗一百蚊就有得食，不過唔好期望太高，呢個價錢，新鮮就算啦😋