微辣大排檔 (已結業)

第一次寫食評，食到一肚氣。父親節開開心心去食餐晚飯，點知一坐低，就有條光光地頭既人走過黎，粗聲粗氣叫我地嗌嘢食，唔講以為有咩得罪左佢黎。今次我主要唔係討論佢嘅野食，都係想講岀呢間係一間服務態度越嚟越差既餐廳。我並唔係第一次食，以前都無咁差，唔明點解要做爛自己嘅招牌。眼見父親節當日都大把吉枱，我就知應該大家都受過唔少氣，今時今日，呢啲態度真係搞唔掂。下次最多都係外賣買佢一底雞蛋仔算，個雞蛋仔係真係幾好食。