影片
更多
2018-01-31
360 瀏覽
唔知各位黃大仙友有冇聽過鳳園冰室呢間茶餐廳？屋企無煮飯嘅日子 爸爸永遠都係提議食鳳園（係嘅 平靚正 用心製作 但我有時都會抗議爸爸無嚟新意😂）爸爸無新意 但係鳳園有 最近咁凍 佢地就出咗煲仔飯🤤🤤大家都知宜家廟街好多煲仔飯都... 唔知係咪一碗白飯放落去扮煲仔咁😂 反而普通餐廳仔有時仲有驚喜今日叫咗油鴨脾煲仔飯 爸爸教落 落完鼓油要再蓋蓋 焗多陣d飯焦先夠正😏Whoa😮 油鴨脾少少偏鹹 但撈飯幾正 飯焦（無影到）好脆又唔會黑色一舊 好味另一款係我個人最愛 鹹魚土魷煎肉餅呢啲先係真正嘅極邪惡！煎肉餅比蒸熱氣 但好惹味🤤 一碟有5件 餸2碗飯都夠值得留意係每個飯都跟明火例湯 日日唔同 無味精！（圖中係花生粉葛豬骨湯）係住家飯嘅味道😂 飯同湯都任添㗎 加$5就跟埋凍熱飯同爸爸兩個食到飽飽 要打包 但埋單只係$115 性價比極高 老闆又好nice 真心值得支持
屋企無煮飯嘅日子 爸爸永遠都係提議食鳳園（係嘅 平靚正 用心製作 但我有時都會抗議爸爸無嚟新意😂）
爸爸無新意 但係鳳園有 最近咁凍 佢地就出咗煲仔飯🤤🤤
大家都知宜家廟街好多煲仔飯都... 唔知係咪一碗白飯放落去扮煲仔咁😂 反而普通餐廳仔有時仲有驚喜
今日叫咗油鴨脾煲仔飯 爸爸教落 落完鼓油要再蓋蓋 焗多陣d飯焦先夠正😏
Whoa😮 油鴨脾少少偏鹹 但撈飯幾正 飯焦（無影到）好脆又唔會黑色一舊 好味
另一款係我個人最愛 鹹魚土魷煎肉餅
呢啲先係真正嘅極邪惡！煎肉餅比蒸熱氣 但好惹味🤤 一碟有5件 餸2碗飯都夠
值得留意係每個飯都跟明火例湯 日日唔同 無味精！（圖中係花生粉葛豬骨湯）係住家飯嘅味道😂 飯同湯都任添㗎 加$5就跟埋凍熱飯
同爸爸兩個食到飽飽 要打包 但埋單只係$115 性價比極高 老闆又好nice 真心值得支持
張貼
