尚蓮越泰餐廳

營業中

休息中

趁佢今日出嚟就帶佢去試吓我同媽媽已經食咗好幾次都一樣咁好食大部份食物都係滾熱辣出嚟喺東涌想食啲有質素嘅嘢⋯真係要慢慢試吓包括東薈城新開嗰邊好多都係不似預期呢間泰國嘢已經食咗四次包括埋今次已經係第五次喺東薈城食泰國嘢一定揀佢樣樣都好嘅但係服務態度真係令你卻步唔緊要最緊要美食當前三個人叫咗七樣嘢包括埋甜品逐樣講海南雞半隻（一定要堂食）試過一次買返屋企半隻真係唔知自己食緊啲乜嘢！真係千祈唔好買走不似預期！牛舌相當正爽㗎熱辣辣！菠蘿海鮮炒飯個菠蘿仲係熱辣辣熨咀裏面仲有海鮮唔少㗎！青咖喱豬頸肉唔使講嘢一定要嗌個青咖喱汁真係冇得頂送飯一流好香同埋唔會太辣！馬拉盞炒通菜都係一樣咁正好香唔會太辣！牛油果軟殼蟹卷食咗好多次發覺裏便牛油果真係好少軟殼蟹根本就見唔到不過當食蔬菜冇所謂！芒果糯米飯我哋次次都走芋蓉因為唔鍾意個糯米飯熱辣辣芒果係甜嘅但係唔夠香椰汁正！食咗咁多嘢都係剛剛好份量唔會太大但係質素真係幾好唔錯嘅如果唔係我都唔會再食第五次！服務態度希望有待改善！咁嘅疫情環境之下仲有咁多生意因為真係好好味！（因為我哋訂位所以無需等候）