影片
更多
2019-11-08
1682 瀏覽
預早一星期咁上下已經訂咗枱，餐廳位置近尖沙咀警署，都容易搵到。訂咗6；45，家人當日6:30前就到咗，收到餐廳表示快啲點餐因為食物材料有限。所以佢哋就先order咗Seafood Gallery，裡面有牡丹蝦兩隻、生蠔四隻、鮮帶子四隻、馬刀貝四隻、鮑魚2隻、青口同翡翠螺。牡丹蝦🦐鮮甜，頭部多膏甘香。生蠔細細隻，服務人員冇特別介紹係咩蠔，食落清甜蠔味同海水味淡。其他不過不失！晚餐分別叫咗燒澳洲羊架伴香草乳酪！7成熟火喉啱啱好，肉質香嫩，羊肉味唔重，適合怕太膻嘅朋友。烤美國肉眼扒伴炒野菌，牛扒好薄，點嘅時候叫medium rare，但係出到嚟比較熟，牛肉質地都香軟，牛味唔突出，配菜有啲新著、車厘茄同雜菌。伊比利亞黑毛豬柳伴華道夫沙律，呢味係全晚同全枱人都讚不絕口，香嫩嘅豬柳有啲甘香肥膏，一口咬落汁多肉香，真係齒頰留香。配菜一大條甘筍，重有啲乾果同nuts。跟晚餐頭盆分別叫咗生蠔，同seafood gallery嘅生蠔係同款。烤北海道帆立貝伴椰香芒果沙律，帶子經煎過都好清甜，芒果卷望落去似吉列炸過咁，但係食落係完全冇炸過，而係用椰絲做面嘅全芒果肉，食落驚喜。帕爾瑪火腿西班牙辣肉腸配羅馬甜瓜拼
訂咗6；45，家人當日6:30前就到咗，收到餐廳表示快啲點餐因為食物材料有限。所以佢哋就先order咗Seafood Gallery，裡面有牡丹蝦兩隻、生蠔四隻、鮮帶子四隻、馬刀貝四隻、鮑魚2隻、青口同翡翠螺。牡丹蝦🦐鮮甜，頭部多膏甘香。生蠔細細隻，服務人員冇特別介紹係咩蠔，食落清甜蠔味同海水味淡。其他不過不失！
晚餐分別叫咗燒澳洲羊架伴香草乳酪！7成熟火喉啱啱好，肉質香嫩，羊肉味唔重，適合怕太膻嘅朋友。
烤美國肉眼扒伴炒野菌，牛扒好薄，點嘅時候叫medium rare，但係出到嚟比較熟，牛肉質地都香軟，牛味唔突出，配菜有啲新著、車厘茄同雜菌。
伊比利亞黑毛豬柳伴華道夫沙律，呢味係全晚同全枱人都讚不絕口，香嫩嘅豬柳有啲甘香肥膏，一口咬落汁多肉香，真係齒頰留香。配菜一大條甘筍，重有啲乾果同nuts。
跟晚餐頭盆分別叫咗生蠔，同seafood gallery嘅生蠔係同款。烤北海道帆立貝伴椰香芒果沙律，帶子經煎過都好清甜，芒果卷望落去似吉列炸過咁，但係食落係完全冇炸過，而係用椰絲做面嘅全芒果肉，食落驚喜。帕爾瑪火腿西班牙辣肉腸配羅馬甜瓜拼盆，個名好厲害，其實係火腿、沙樂美腸加哈密瓜，咸香適中。
餐湯係南瓜湯，係全南瓜肉煮成，唔太接受南瓜嘅我都會飲。（因為我哋6個人，叫咗3個晚餐，餐廳服務員姐姐好體貼咁分咗6碗俾我哋）
另外都叫咗三款熱食，一款慢煮牛頰肉伴酸椰菜，牛肉味同個醬汁都好濃，牛肉香軟淋，雖然係濃味汁醬但都冇蓋過肉味，大讚。配菜係一貫食咸豬手嗰啲酸椰菜，食多咗肉類開開胃。
另一款香辣烤八爪魚，大量新薯粒配上有烤味，少少淋加少少煙靱嘅八爪魚粒，送酒良物。
西班牙乳豬，皮略嫌唔夠脆，肉厚鮮嫩多汁，肥瘦適中！仲有新鮮香燈同西柚果肉片墊底。絕配👍🏻
最後甜品叫咗2個心太軟、Tiramisu 同一個柚子雪葩。
朱古力心太軟皮香香軟軟，裡面朱古力漿一切就流出嚟，比較甜，仲甜過個朱古力雪糕球。
柚子雪葩3個球，食落清香柚子味重，唔太甜，讚。
Tiramisu 就普普通通，勝在唔太甜。
本來晚餐想叫燒春雞，點之食材有限，俾其他客人點咗，售罄。
整體餐廳坐得舒適，服務都幾貼心，食物質素都算中上。值得encore。
張貼
