刕舙馫麵館 (已結業)

係紅磡廣場逛完街,累累地,就係附近搵地方落腳,見到間舖頭名叫刀刀刀舌舌舌香香香,幾得意就入去睇下食乜。原來係一間刀削麵館。一睇餐牌,嘩,全部麻辣,對於一個唔食辣既人黎講唔知點算,好彩原來可以走辣。諗左一陣就叫左一碗東坡肉刀削麵,同埋一碟芥辣貓耳仔小食。唔好俾個名嚇親,其實貓耳仔實質係木耳。先講下刀削麵,東坡肉肉質好腍滑,大大淡,淡淡肉。刀削麵很爽,質地有咬口,份量亦十分足,很抵食。之後到木耳,木耳是涼伴,味道清爽。配搭麵食一冷一熱。雖然木耳撈左芥辣,但係辣度都接受到~