劉森記麵家 (桂林街)

營業中

休息中

早排去左澳門玩食完蝦子麵，返到黎突然又想食，所以就去左係深水埗有幾十年歷史既劉森記麵家，佢地竹昇麵都蝦子都好出名，今日咁啱經過附近一於黎食。深水埗有新舊兩間舖，今次黎就去左舊舖，門面好有傳統麵家既味道。我地今次兩個人黎食，朋友原本想叫蝦子牛拍葉撈麵，但原來我地太早黎要1點後先有，想食既朋友記得下次唔好咁早黎，朋友最後只係叫蝦子撈麵，而我就叫左蝦子牛腩牛筋撈麵。蝦子撈麵面頭滿滿既蝦子，撈完後保証每一啖都有蝦子係上面，而且蝦子十分香，好味原本以為兩餸會比較少蝦子，點知一樣係咁多，而牛腩同牛筋都好入味同夠淋。佢地野食味道真係唔錯，由其係個手打竹昇麵真係夠晒爽口彈牙，朋友都話下次要黎再食牛拍葉。