影片
更多
2017-08-14
1618 瀏覽
係銅鑼灣要打邊爐都有好多好去處，今日就推介一家食材新鮮，用料上盛嘅火鍋店。價錢當然比一般任飲任食嘅舖頭貴，但環境清幽，唔洗同其他人逼，又不設限時，仲要所有食材都係靚野，我自己就覺得物有所值。一坐低，侍應已經捧咗一盤醬料($12/位)俾我地自行調味，有辣椒、芫荽、香蔥、蒜粒、芝蔴醬同沙嗲醬等等應有盡有。炸蒜香味十足，而且好香脆，用料新鮮果然唔同啲。呢間漁火海鮮刺身火鍋店，就咁睇個名都知道佢除咗主打火鍋，仲有好多款新鮮嘅海鮮刺身。湯底方面亦都好特別，包括有用唔同燉湯，常見款式有如胡椒豬肚湯，蕃茄薯仔粟米湯等，仲有較為珍貴食材，例如花膠響螺煲豬展、花甲海蝦魚湯等等，十分吸引。四個人熱烈討論，最後決定都係想試食多啲唔同款嘅野食，就點左一個最簡單嘅芫茜皮蛋豆腐湯($98)。我個人唔係太喜好芫茜，不過呢款湯底都唔算好重口味。反而湯底係奶白色，又幾清甜。我同朋友都好中意食泰國野，叫左一碟泰式生蝦刺身($108)。可惜嘅係竟然無泰式生蝦醬汁，而調味亦都偏酸。不過勝在生蝦十分新鮮彈牙，咬落去極其爽口，都真係好耐無食過咁新鮮嘅生蝦刺身。黎到呢度，果然要點海鮮！好多時出街打邊爐食海鮮，都會擔心食物夠唔夠乾淨
一坐低，侍應已經捧咗一盤醬料($12/位)俾我地自行調味，有辣椒、芫荽、香蔥、蒜粒、芝蔴醬同沙嗲醬等等應有盡有。炸蒜香味十足，而且好香脆，用料新鮮果然唔同啲。
醬料
$12
25 瀏覽
0 讚好
0 留言
呢間漁火海鮮刺身火鍋店，就咁睇個名都知道佢除咗主打火鍋，仲有好多款新鮮嘅海鮮刺身。湯底方面亦都好特別，包括有用唔同燉湯，常見款式有如胡椒豬肚湯，蕃茄薯仔粟米湯等，仲有較為珍貴食材，例如花膠響螺煲豬展、花甲海蝦魚湯等等，十分吸引。
四個人熱烈討論，最後決定都係想試食多啲唔同款嘅野食，就點左一個最簡單嘅芫茜皮蛋豆腐湯($98)。我個人唔係太喜好芫茜，不過呢款湯底都唔算好重口味。反而湯底係奶白色，又幾清甜。
芫茜皮蛋豆腐湯
$98
28 瀏覽
0 讚好
0 留言
我同朋友都好中意食泰國野，叫左一碟泰式生蝦刺身($108)。可惜嘅係竟然無泰式生蝦醬汁，而調味亦都偏酸。不過勝在生蝦十分新鮮彈牙，咬落去極其爽口，都真係好耐無食過咁新鮮嘅生蝦刺身。
泰式生蝦刺身
$108
17 瀏覽
0 讚好
0 留言
黎到呢度，果然要點海鮮！好多時出街打邊爐食海鮮，都會擔心食物夠唔夠乾淨，但睇過Openrice，呢間鋪頭咁多好評，就放心去馬。美國特大桶蠔($158)隻隻都肥嘟嘟，齋睇樣已經覺得好吸引。入口新鮮無腥味，仲好軟熟。
美國特大桶蠔
$158
11 瀏覽
0 讚好
0 留言
仲有鮮打墨魚滑($78)都係推介，起晒膠又係好爽口彈牙。淥墨魚滑，如果整果陣加左粉就會發脹，眼見無出現呢個情況，而且咁新鮮有咬口，相信都係用足100%墨魚肉整。
打邊爐又點少得肥牛，我地叫左一份手切雪花安格斯牛肉($248/大)。一大碟薄切雪花肥牛，肥牛雪花紋平均，味道都唔錯。
手切雪花安格斯牛肉
$248
12 瀏覽
0 讚好
0 留言
鍾意食魚嘅朋友點左一碟雪白鮮鱔片($108)。曾經好怕鱔魚嘅泥味，但估唔到呢碟鱔片又幾鮮甜，完全無泥味無腥味。肉質滑嫩爽脆。
雪白鮮鱔片
$108
8 瀏覽
0 讚好
0 留言
魚皮餃($38)同即炸鬆脆響鈴($48)都係個人最愛，打邊爐非叫不可。平時街市買到嘅魚皮餃，外面層皮有時會好粉，入面嘅餡料亦有種霉霉爛爛嘅感覺，呢度當然無呢個情況。至於響鈴，口感一流，腐皮卷比一般厚身少少，而且一啲都唔油膩，輕輕一𤆥，再吸收醬汁嘅日月精華，無敵。
蔬菜方面亦都意想不到地新鮮，我地分別點左金菇($38)、粟米($38)同唐生菜($38)，後尾先發覺原來有蔬菜拼盤。粟米香甜，而且切到薄薄一片更容易入口。金菇分量好多，每人都食左幾大束。
打邊爐，最後唔少得嘅係用黎吸收湯汁嘅粉麵類。我地揀日本稻庭烏冬($48/3個)，同湯底意外地合襯。稻庭烏冬比起一般嘅烏冬更為幼細，口感滑嫩。無論清清地配芫茜皮蛋豆腐湯底，又或者加入自行調配嘅醬汁，都美味非常。
食到肚滿腸肥，飲埋竹蔗茅根($48/JAR)，每人大概三百蚊。食到咁新鮮好味嘅食材，都算值得。
張貼
