影片
更多
2021-02-05
204 瀏覽
呢排成日OT，夜晚個餐都係嗌外賣速遞，點都要食返啲好西慰藉吓疲累既心靈😪😪今次就見到位於灣仔專片皮鴨好出名既古琴雅苑都可以將成個片皮鴨餐外賣😂😂好似好grand咁，就叫咗呢個3至4人至尊烤鴨套餐，送嚟嘅時候樣樣嘢都放得幾好幾精緻，配料醬料嗰啲都齊全，係公司大搖大擺嘆片皮鴨都咪話唔爽😎😎望落以為份量好少，但4個人食其實都好飽爭啲食唔晒lol。雖然送到嚟啲嘢已經唔熱，不過估唔到每樣嘢嘅味道都做得幾好，唔會因為凍咗而令味道打折扣。花雕醉雞酒香味幾濃，雞肉大大舊，肉質都算嫩滑。烤北京填鴨（全隻）鍾意佢哋幾貼心❤️嘅外賣設計，每張餅皮下面都有塊牛油紙隔住，咁外賣凍咗啲皮都唔會痴住。填鴨份量都有好多塊，肉、皮同肥膏嘅比例都平衡，有啲脂肪比例高啲就好甘香邪惡，肉質啱啱好，實淨唔鞋，食落有種鴨肉嘅甘香，配埋薄薄嘅餅皮、海鮮醬同其他配料食，呢個晚餐絕對可以為OT既晚上帶來慰藉😩😩🥰🥰黃金明蝦球估唔到係一個幾出色嘅黃金蝦球😻😻超多鹹蛋黃包裹住大大粒既蝦球，鹹蛋黃粉粉地配埋爽口新鮮既蝦球好正，就算外賣凍咗都唔會油。干煸四季豆幾惹味，食落唔會太油古琴鴨肉炒飯個飯炒得好乾身，有啲鴨肉，食落都幾香。人均消費：$16
花雕醉雞
酒香味幾濃，雞肉大大舊，肉質都算嫩滑。
烤北京填鴨（全隻）
鍾意佢哋幾貼心❤️嘅外賣設計，每張餅皮下面都有塊牛油紙隔住，咁外賣凍咗啲皮都唔會痴住。填鴨份量都有好多塊，肉、皮同肥膏嘅比例都平衡，有啲脂肪比例高啲就好甘香邪惡，肉質啱啱好，實淨唔鞋，食落有種鴨肉嘅甘香，配埋薄薄嘅餅皮、海鮮醬同其他配料食，呢個晚餐絕對可以為OT既晚上帶來慰藉😩😩🥰🥰
黃金明蝦球
估唔到係一個幾出色嘅黃金蝦球😻😻超多鹹蛋黃包裹住大大粒既蝦球，鹹蛋黃粉粉地配埋爽口新鮮既蝦球好正，就算外賣凍咗都唔會油。
干煸四季豆
幾惹味，食落唔會太油
古琴鴨肉炒飯
個飯炒得好乾身，有啲鴨肉，食落都幾香。
人均消費：$160
推介指數（10分為滿分）：8.5分
張貼
