影片
更多
2018-10-16
5059 瀏覽
心血來潮想食片皮鴨，又見假期，就book左19:30晚飯。之前book位果時冇留到鴨，諗住去親都冇乜人，點知咁岩果日有飲宴，冇得食，所以今次醒目問定有冇。一如以往，酒樓都係坐唔爆，我就係鐘意佢靜靜地，而且樓底都幾高，感覺唔會好焗促，唔似其他酒樓背貼背，嘈到聽唔到人講野咁。成個環境都幾高檔次。雖然佢呢到茶介$16一位，但茶沖得唔錯，味道濃郁但唔會苦，有回甘味道我地點左一個湯、片皮鴨兩食同一個沙拉骨片皮鴨$468一隻兩食，佢冇得選半隻，而第二食就生菜包肉松。店員（看似經理）會俾隻鴨你睇一睇，然後就會係你面前片。而且會上埋兩碟醬料，一碟青瓜和一碟大蔥。鴨終於上碟了擺得好似朵花咁靚，仲有兩碟皮跟埋。個皮上碟時熱辣辣，每塊中間佢都會夾一張紙防止痴住，個皮略嫌厚左少少，不過都非常軟熟！而且每塊都有啲芝麻係面，特別香口。聘珍樓既片皮鴨真係好出色，皮好脆，又唔肥，鴨味濃郁，包住青瓜和蔥一齊食，中和左鴨皮的油膩，超滿足今次隻鴨片出黎好多，起碼20塊，本身跟既皮都唔夠包，於是就加左一碟。個經理見我地點多碟，佢就話切果時都覺得隻鴨好大隻，如果再切就食唔晒....😨食到一半湯就來了⋯鯪魚球生菜湯一上煲湯既時候
一如以往，酒樓都係坐唔爆，我就係鐘意佢靜靜地，而且樓底都幾高，感覺唔會好焗促，唔似其他酒樓背貼背，嘈到聽唔到人講野咁。成個環境都幾高檔次。
雖然佢呢到茶介$16一位，但茶沖得唔錯，味道濃郁但唔會苦，有回甘味道
我地點左一個湯、片皮鴨兩食同一個沙拉骨
片皮鴨$468一隻兩食，佢冇得選半隻，而第二食就生菜包肉松。
店員（看似經理）會俾隻鴨你睇一睇，然後就會係你面前片。而且會上埋兩碟醬料，一碟青瓜和一碟大蔥。
鴨終於上碟了擺得好似朵花咁靚，仲有兩碟皮跟埋。
個皮上碟時熱辣辣，每塊中間佢都會夾一張紙防止痴住，個皮略嫌厚左少少，不過都非常軟熟！而且每塊都有啲芝麻係面，特別香口。
聘珍樓既片皮鴨真係好出色，皮好脆，又唔肥，鴨味濃郁，包住青瓜和蔥一齊食，中和左鴨皮的油膩，超滿足
今次隻鴨片出黎好多，起碼20塊，本身跟既皮都唔夠包，於是就加左一碟。個經理見我地點多碟，佢就話切果時都覺得隻鴨好大隻，如果再切就食唔晒....😨
食到一半湯就來了⋯鯪魚球生菜湯
一上煲湯既時候嘩左一聲，冇諗過鯪魚球咁大粒，入面有好多生菜同幾舊豆腐，出奇地餸多過湯。鯪魚球好實，豆腐並非用滑豆腐，所以豆味濃好多，啖湯好鮮，一啲都唔似味精湯，生菜亦好爽口。
沙拉骨
個排骨煮得岩岩好，又好入味，好似落左啲醋酸酸地咁，呢味餸咁惹味實在太適合送飯！
生菜包鴨松
淨係影左生菜碟肉松掛住食唔記得左，經理話係用雞脾肉做肉松，都唔知真還是假呢...都係好大碟，菜又唔夠包，我地又叫左碟....
埋單差不多900蚊，拎指定信用卡有10%。
4個人食，啲野咁大碟其實又唔算貴。係有啲唔忿氣另加既菜同皮各自收左30蚊，
無論係飯定呢兩樣野餐牌都冇寫價錢...侍應又冇開到聲
張貼
