影片
更多
2019-12-15
44 瀏覽
今日有個外國朋友黎香港，佢話要食d北京菜，又好想食片皮鴨，我就諗起上環依間"京香閣",佢地係京菜放題，重有主打片皮鴨任食，一定適合我依位外國朋友咁多要求。$300有找任食京菜，香港地冇咩地方有，要龍蝦就貴$40,合理，但有咁多野任食，我地揀左虎蝦就ok,仲可以揀唔同口味。我地叫左個避風塘口味&甜酸汁口味,虎蝦好新鮮好大隻，啖啖肉。主角片皮鴨出場，大大隻，脹卜卜，新鮮出爐，熱辣辣，未食見到都流晒口水。睇下幾多，不過唔駛爭，佢地keep住一路出新鮮燒起既片皮鴨，大家留意，係燒起，佢地有自家爐續隻燒，燒到d鴨油滴晒出黎，隻鴨就會冇咁肥，食到成口油。樟茶鴨 : 外脆內軟，細細份，每人都可以試少少。東坡肉 : 炆到好淋好入味，餸飯一流。回鍋肉 : 腩肉肥瘦適中，唔會油膩，又係細細份剛剛好，又唔會浪費，可惜仲有好多野試，如果唔係配飯一流。高力豆沙 : 現點現炸，炸到剛好金黃色，入面d紅豆又唔會太甜，食完都唔覺得漏。脆麻花配芒果雪糕 : 我個食法係整碎d脆麻花撈雪糕一齊食，好似雪糕有脆脆既口感。
$300有找任食京菜，香港地冇咩地方有，要龍蝦就貴$40,合理，但有咁多野任食，我地揀左虎蝦就ok,仲可以揀唔同口味。
我地叫左個避風塘口味&甜酸汁口味,虎蝦好新鮮好大隻，啖啖肉。
主角片皮鴨出場，大大隻，脹卜卜，新鮮出爐，熱辣辣，未食見到都流晒口水。
睇下幾多，不過唔駛爭，佢地keep住一路出新鮮燒起既片皮鴨，大家留意，係燒起，佢地有自家爐續隻燒，燒到d鴨油滴晒出黎，隻鴨就會冇咁肥，食到成口油。
樟茶鴨 : 外脆內軟，細細份，每人都可以試少少。
東坡肉 : 炆到好淋好入味，餸飯一流。
回鍋肉 : 腩肉肥瘦適中，唔會油膩，又係細細份剛剛好，又唔會浪費，可惜仲有好多野試，如果唔係配飯一流。
高力豆沙 : 現點現炸，炸到剛好金黃色，入面d紅豆又唔會太甜，食完都唔覺得漏。
脆麻花配芒果雪糕 : 我個食法係整碎d脆麻花撈雪糕一齊食，好似雪糕有脆脆既口感。
張貼
