北京樓 (形點 I)

營業中

休息中

因為想食片皮鴨嘅關係，去了北京樓，一到晚上時間就好多人等位。成日經過都因為太多人而放棄。難得今次等到位。本來想叫二人套餐，但係冇片皮鴨，唯有散叫。前菜整得好好食㗎，好惹味。賽螃蟹熱辣辣咁整出嚟，蛋白再加埋蟹肉再落埋少少醋，好滑，好食。半隻片皮鴨，望落去個份量好少。但係佢切到每一件都細細件好平均，亦都會將皮同肉分開，冇咗皮同肉中間的肥膏，食落冇咁油膩。鴨皮亦都好脆。肉好香，包住片皮鴨的皮好薄，好煙韌。就算食咗好多皮落肚，都唔會好濟。依然維持到水準。最後見到有職員同隔離枱講原來enjoy卡仲做緊優惠九折，(只限餸菜)。