京香閣 (已結業)

今日老公帶我去食頂級京菜自助餐，巨班大虎蝦套餐只係$228一位，另加一加茶芥，包一隻巨班大虎蝦，而且有我至愛既片皮鴨任食，真心抵，因為平時食一隻片皮鴨最平都要300蚊左右。侍應先會送上每人一碗蟲草花花膠燉湯，好適合以個天氣飲，可以補一補，飲落好鮮甜，味道好濃郁，而家仲食到花膠。巨型大虎蝦有3種煮法，我點了避風塘大虎蝦，好多炸蒜同辣椒，好惹味，蝦夠大隻，蝦肉爽口彈牙因為主要食片皮鴨，所以冷盤，小菜，點心只食了小小。個人最喜歡翡翠炒蝦仁，干煸四季豆，上海粗炒，味道唔錯。點心點了上海春卷、生煎鍋貼，炸饅頭，全部細細件，可以食多幾款。主角出場啦，片皮鴨都係自助式，因為片皮鴨長期都多人排隊，所以要襯小人先去拎，侍應好忙碌不停片鴨，片完一隻又好快清晒，片皮鴨外皮夠脆，有油香，最鐘意餅皮夠薄，加埋青瓜一齊食，可以減少油膩感。最後食飽當然要食埋甜品先完美，薑茶丸子，薑茶夠辣，丸子淋左小小，另外仲食左雷沙湯圓，細細粒，芝麻好香，湯丸煙煙韌韌。