沙田18

營業中

休息中

好多地方都出名食片皮鴨，但唔係度度都做得出色。今次同屋企人黎左沙田凱悅酒店入面既中菜廳，試下呢度既片皮鴨係咪佢地講既咁出色。片皮鴨分左三食，片左淨皮同肉夾皮既部分，淨皮就點砂糖食冇咁漏，脆卜卜既口感加上鴨油香🤤剩番其他肉既部分就炒黑鬆包生菜食～另外鴨殼會拎去煲湯，加入左豆腐等既配料，湯既有鴨味又有香濃豆味。鹹蛋黃魚皮蝦球，呢樣同想像既一樣，非常惹味，基本上呢個配搭都冇乜得輸。禮雲子鮑粒煮滑豆腐，禮雲子係一種中國南面特別既食材，質感係幼滑既，味道都幾鮮，可惜禮雲子既份量實在太少。生炒豬油渣菜心，豬油渣係父母個輩年代既野食，特登叫俾兩老懷舊一下。主糧叫左個脆米鮑魚花菇燜飯，用鮑魚汁燜既飯，唔駛問一定好食🤤甜品叫左五糧液朱古力雪糕同花鵰話梅雪芭，兩種用中式酒整既甜品都幾有特式，只係雪芭略嫌淡口，花雕味唔係太夠。