御記御犇麵館 (已結業)

一向在御記食開魚蛋麵，忽然個招牌唔同左，原來只係改左名，都係原班人馬主理。見到電視有介紹牛丸，叫左一碗。嘩！真係好爽好彈好有牛味，原來用溫體牛大腿肉每日都在本地屠房直送無入雪櫃，每朝由老闆於麵店內整，唔怪得好似食新鮮牛肉咁！在這個凍肉橫行的香港真係少有。下次可以叫埋黑椒牛丸同牛根丸雙拼試下，因為都係老闆自己整。而且因為無轉師傅，辣椒油繼續勁正! 辣得來有回香，很多渣不會只是油。原來他們用的辣椒成本好重，係用非洲野生辣椒來炒辣椒油。