勝利牛丸 @Freshlane (城市中心) (已結業)

又去炮台山freshlane 叫外賣啦!發現愈來愈多餐廳加入，今次仲可以係北角食到元朗既名物!三送面，有牛丸、牛筋同牛腩，佢牛丸唔算大粒，一口一粒，但就爽口彈牙，連續吃幾粒都唔會覺膩，同埋佢新鮮有牛肉味，非常不錯。牛筋好腍感覺滿滿蛋白質，牛腩都正不過份量就唔算多。湯底都有牛肉味，食完冇口乾，應該冇加味精。滷牛肉燥飯，好多滷汁，撈飯好正!牛肉撕碎左，啖啖飯又啖啖牛肉，好惹味。價錢抵食! freshlane 自取方便!