影片
港鐵炮台山站 B 出口, 步行約6分鐘; 取餐請使用位於商場電氣道地面入口
繼續閱讀
營業時間
星期一至日
11:00 - 21:00
公眾假期
11:00 - 21:00
公眾假期前夕
11:00 - 21:00
以上資料只供參考, 請與餐廳確認詳情
元朗冇人吾識嘅「勝利牛丸」，我係由細食到大。搬咗出九龍住之後，每逢入元朗，一有機會就會食番碗。佢嘅牛係專嘅，因為佢一直以來堅持獨孤一味只做牛，係吖～只有牛丸、牛腩同牛筋。今次真係開心大發現，最近比我見到「勝利牛丸」原來已經進駐北角 Freshlane 外賣店。以後想食「勝利牛丸」吾使山長水遠入元朗了。今日試咗佢嘅雙丸河，就係牛丸同丸筋丸，原來牛筋丸元朗堂食店都未有供應。佢嘅牛丸真係特別彈牙，而且咬落有豐富肉汁。牛丸較爽滑彈牙，牛筋丸就較實肉少少，較有咬口。兩者各有特色，兩隻我都鍾意。除了主角牛丸正，湯底至為重要。店長話我知，咪睇佢碗湯好似好淡色，其實每碗麵嘅湯底都係沿用番打牛丸時嘅湯，難怪試咗啖湯真係又甜又原汁原味。勝利九牛另一不可少嘅就係加冬菜。係吖 ～ 吾好睇少呢喲吾起眼嘅冬菜，本人覺得係呢碗河粉嘅精粹。除了冬菜，店長亦主動跟埋自家製辣椒油，老老實實佢嘅辣椒油真係夠香辣，一碗原汁原味嘅勝利牛丸河，真係連湯都清曬，試過你一定會食過返尋味。
繼續閱讀
位於北角的雲端平台取餐店裡之牛丸麵食外賣店，除了元朗外，港島開設了外賣店，讓港島的食客也可一試元朗名物之真正的牛肉牛丸。餐牌選擇不多，就是牛丸、牛筋、牛腩等配料淨食或配粉麵飯。外賣的湯及麵分開兩層放，這樣拿回去也不會腍掉。雙拼粉麵飯：牛腩牛丸米粉牛丸以手打牛肉製作而成，帶牛肉味道，細細粒，一共三粒。還有少量的鹹冬菜，米粉淋上牛腩汁，令麵條更加有味。牛腩炆得很腍滑，而且味道入味。嗜辣的朋友可以一試他們的辣椒醬油，有一小包辣醬，加入湯底裡更添椒香惹味，過一過辣癮。
繼續閱讀
喺元朗好出名嘅勝利牛丸而家喺北角都食到喇freshlane 係一個全新嘅概念入邊有好多唔同嘅外賣店可以去之前就上網落定order到就自己喺佢哋嘅櫃桶度pick up方便又快捷之前成日聽啲住元朗嘅朋友推介嘅勝利牛丸原來都進駐左炮台山城市花園嘅Fresh Lane試咗佢哋嘅牛丸牛筋腩飯有三粒牛丸同埋好多舊嘅牛筋腩飯加咗腩汁令到啲飯都更加濕潤而且更多風味牛筋腩炆得好好煙煙韌韌又唔會太滑潺潺有豐富嘅骨膠原而牛丸一個字彈牙真材實料無點溝其他肉之前仲諗住叫飯唔叫麵會令到啲牛丸好乾但唔會wo 又難怪做到佢地招牌想試嘅朋友 唔洗去到元朗喇～
繼續閱讀
彈牙勝利牛丸番工有時食嘢都吾知食咩好！有時外賣店都好方便！例如北角freshlane 呢間專買牛丸，牛丸要彈牙先好食，如果唔係就會好似係食擦子膠感，試左呢間都確實幾好食！好彈牙又無筋!食落幾好味！好好咬口。一碗牛丸都好多粒，好味道！另外叫多碗牛筋面，好多牛筋牛腩，料好多，份量大，湯底都幾清甜，麵好彈牙，一個人食好夠飽，好滿足，配合埋牛筋牛腩都好好味！近年香港開左好多呢種外賣店，方便又實惠！下次再利幫襯下。
繼續閱讀
今日經過見到呢間專門叫外賣的，有好多餐廳可選擇。正喎， 有元朗名店#勝利牛丸 ，即時買番碗食。因湯跟食材分開上，保持了食物質素，拎到回家依然好味呀。點左三個餸配搭油面，牛筋、牛腩同牛丸，勝利✌️牛丸有3粒，爽口又彈牙好好味😋，牛腩、牛筋好淋調味剛剛好，唔會過咸或什麼的，而且係Freshlane 自助取餐真超方便！#hk852#飲食日記 #飲食記錄 #食評 相機先食 #手機食先 #食咗先講#唔怕肥
繼續閱讀