雞匠 (已結業)

中午自己一個出去搵飯開，經過這間雞匠，舖仔細細，主要食海南雞及牛肉，價錢又唔算貴，所以入去一試。招牌去骨海南雞飯櫻花蝦雞湯，味道帶點蝦香但同時地有雞湯鮮甜。海南雞皮油脂不多，比較爽彈，肉質嫩滑而且全部都已去骨，啱哂我呢種懶人。雞湯油菜菜芯嫩腍翠綠，但雞湯味比較淡。雞湯澳洲牛丸牛丸牛味十足，而且十分彈牙，完全無添加，純牛肉製造，真是必試之一。羅漢果圓肉茶味道不會太甜，飲完後喉嚨帶甘甜，天然健康的飲品。