影片
更多
2010-11-17
10 瀏覽
9月11日, 祝我生日快樂!慶祝嘅第一站, 呀菲帶我嚟到北海道! 話就話係北海道, 但係食嘅都係港式茶餐廳野… 重點係佢地標榜用北海道牛乳作材料, 包括炒蛋, 湯底, 飲品等~ 上到去, 環境裝修都幾光鮮, 有中環嗰重高級feel, 就算係茶餐廳都唔同d~ 不過服務麻麻, 可能新人事未做慣…::: 北海道套餐 火腿炒蛋 + 叉燒湯意 + 熱奶茶 ::: $35不得不試這經典套餐卦~ 先來火腿炒蛋, 賣相起碼乾淨, 唔燶但係亦都唔油膩~ 火腿就普通貨色啦, 中規中矩. 個炒蛋就真係好滑! 可能加咗北海道牛乳去炒, 蛋滑得嚟好鮮甜, 一切開有嫩滑蛋汁流出~ 但反而牛奶味唔太食得出~ 亦不得不提個多士, 每塊有成寸厚咁! 烘得剛好嘅麵包外脆內軟, 每一口都十分香脆, 牛油亦塗得均勻, 唔似其他茶餐廳咁求其~ 再來叉燒湯意, 標明係日本湯意粉, 真係唔知代表乜, 應該都係加咗北海道牛乳為湯底調味~ 但係叉燒只係普通港式燒味, 完全唔特別, 要有gimmick應該用埋日本叉燒啦~ 要講嘅係佢湯底好有味, 好thick, thick到有d似忌廉湯! 本身冇特別飲d湯, 但係食完個意粉竟然連湯都冇埋
慶祝嘅第一站, 呀菲帶我嚟到北海道! 話就話係北海道, 但係食嘅都係港式茶餐廳野… 重點係佢地標榜用北海道牛乳作材料, 包括炒蛋, 湯底, 飲品等~ 上到去, 環境裝修都幾光鮮, 有中環嗰重高級feel, 就算係茶餐廳都唔同d~ 不過服務麻麻, 可能新人事未做慣…
::: 北海道套餐 火腿炒蛋 + 叉燒湯意 + 熱奶茶 ::: $35
不得不試這經典套餐卦~ 先來火腿炒蛋, 賣相起碼乾淨, 唔燶但係亦都唔油膩~ 火腿就普通貨色啦, 中規中矩. 個炒蛋就真係好滑! 可能加咗北海道牛乳去炒, 蛋滑得嚟好鮮甜, 一切開有嫩滑蛋汁流出~ 但反而牛奶味唔太食得出~ 亦不得不提個多士, 每塊有成寸厚咁! 烘得剛好嘅麵包外脆內軟, 每一口都十分香脆, 牛油亦塗得均勻, 唔似其他茶餐廳咁求其~ 再來叉燒湯意, 標明係日本湯意粉, 真係唔知代表乜, 應該都係加咗北海道牛乳為湯底調味~ 但係叉燒只係普通港式燒味, 完全唔特別, 要有gimmick應該用埋日本叉燒啦~ 要講嘅係佢湯底好有味, 好thick, thick到有d似忌廉湯! 本身冇特別飲d湯, 但係食完個意粉竟然連湯都冇埋, 有少少撈意粉嘅效果, 唔錯~
熱奶茶係咪都用咗北海道牛乳呢? 冇乜特別, 同普通茶餐廳差唔多.
::: 麥芽糖西多士餐 + 凍奶茶::: $33 + $2
份量驚人!! 兩片麵包疊埋成寸幾兩寸厚~ 難得嘅係佢咁厚但都炸得好均勻, 成塊多士都脆卜卜, 又香又鬆化! 面頭一大塊鮮油又香又漏, 淋埋d麥芽糖上去之後真係忍唔住要即刻將佢解體放入口~ 切開發現勁厚西多入面仲夾咗d粗粒花生醬!!! 令原本已經夠晒鬆化嘅麵包更添香脆咬口, 真係好欣賞佢地用粗粒花生醬做餡~! 麥芽糖醬味道同普通嘅糖醬無乜大分別, 但成個西多就算份量比平時多但食完都唔會話好膩, 算係食過咁多地方嘅西多士中比較出色嘅!!
凍奶茶都調得唔錯~ 係唔特別飲得出個北海道牛乳味…
雖然係比普通茶餐廳貴3成, 但係呢3成睇得出佢地嘅認真! 如果只求食特餐飽肚, 你會嫌佢貴. 但係想食得舒服d同想感受食物質素嘅誠意, 不妨試一試~ 可惜只有食物質素係唔夠, 尚要改進服務質素, 下次再來一試~
張貼
