影片
更多
2018-11-03
3741 瀏覽
牛魔王嘅我一直將牛放係我人生中嘅第一位。今日聽朋友講有間火鍋店以牛肉做主題，當然即刻約女朋友去見識一下！餐廳有好多特別之處，其一，餐廳夠晒hi-tech，可以用iPad點菜，當我見到呢一個版面，有差唔多10款牛肉選擇，真係流晒口水。其二，餐廳有幾間主題房， 呢一間就係以七八十年代嘅零食為主題，我同女朋友都認得幾款小食，如果帶埋老豆老母，一定勾起好多兒時回憶。但最特別之處就係呢一張餐紙，有齊晒每個部位要淥幾多秒既建議，仲會有五款推介食法。醬料係自助式，要行幾步去common area調教自己既醬汁。餐廳9秒9就送上飲品，仲附送幾片西瓜。我同女朋友一個好食得辣，一個唔係好食得，所以叫鴛鴦鍋就最好不過。酸菜湯底非常足料，所以辣度非常夠。牛骨湯亦唔例外，可以見到湯底有一大舊豬骨，甚至蘿蔔粟米等等，湯底淆得非常入味。今餐嘅主角當然係牛啦！我總共叫咗四款唔同部位嘅牛。首先介紹嘅係最右邊嘅牛駝峰，比較多筋，偏瘦，但係牛味非常重。牛駝峰上面嗰碟就係澳洲和牛，三角柳，牛味依舊重之餘，仲非常多肉汁。中間嗰碟叫安格斯橫隔肌，油脂較多，囗感非常鬆化。最後左邊就係肩胛翼板，肉質比較鮮嫩。一心食牛嘅我地當然連丸都
餐廳有好多特別之處，其一，餐廳夠晒hi-tech，可以用iPad點菜，當我見到呢一個版面，有差唔多10款牛肉選擇，真係流晒口水。
其二，餐廳有幾間主題房， 呢一間就係以七八十年代嘅零食為主題，我同女朋友都認得幾款小食，如果帶埋老豆老母，一定勾起好多兒時回憶。
但最特別之處就係呢一張餐紙，有齊晒每個部位要淥幾多秒既建議，仲會有五款推介食法。
醬料係自助式，要行幾步去common area調教自己既醬汁。
餐廳9秒9就送上飲品，仲附送幾片西瓜。
我同女朋友一個好食得辣，一個唔係好食得，所以叫鴛鴦鍋就最好不過。酸菜湯底非常足料，所以辣度非常夠。牛骨湯亦唔例外，可以見到湯底有一大舊豬骨，甚至蘿蔔粟米等等，湯底淆得非常入味。
今餐嘅主角當然係牛啦！我總共叫咗四款唔同部位嘅牛。首先介紹嘅係最右邊嘅牛駝峰，比較多筋，偏瘦，但係牛味非常重。牛駝峰上面嗰碟就係澳洲和牛，三角柳，牛味依舊重之餘，仲非常多肉汁。中間嗰碟叫安格斯橫隔肌，油脂較多，囗感非常鬆化。最後左邊就係肩胛翼板，肉質比較鮮嫩。
一心食牛嘅我地當然連丸都要有牛喺入面。手打魚滑平時食得多，牛滑真係第一次食。但估唔到有驚喜！牛味幾重之餘，同埋非常爽口彈牙。咁大條都係$48，真係幾抵。
仲有呢款紫菜卷，其實即係響鈴入面加咗紫菜，但呢個配搭簡直天衣無縫，一食真係停唔到口。我唔知點形容，只可以話加左紫菜更加香口。
下次有朋友聚會嘅時候一定可以推薦嚟呢間，因為我想食埋其他部位嘅牛
張貼
