山翠熟成牛料理 (已結業)

朋友約左行K11,我都係第一次行，原來幾好行，唔會太多連鎖店，有好多自己品牌店，行到攰，見到有間食山翠熟成牛料理，裝修都幾舒服，就坐底試吓好想食串燒，我們就點牛腰肉，牛肋肉，牛脷芯，牛肉眼芯，芝士雞翼再加燕麥飼養黑毛安格斯西冷牛扒。再配杯薑檸檬蜜糖梳打及芒果熱情果梳打,可能二個都行到好攰， 二杯凍飲一來就很快飲大半，薑檸檬梳打 啖啖薑味，好醒神，熱情果好清新，好舒服套餐先來一份沙拉菜及好香濃鮮茄湯，醒胃。串燒上場，牛腰，牛肋牛脷都好香牛味，牛肉眼芯第一次食，捻滑，牛脷花口感爽脆，好正。芝士雞翼，燒到好香脆，芝士香濃。黑毛安格斯牛扒，第一次食乾熟成牛肉質咬落有彈性，熟成牛牛味果然超濃，師傅好細心，把牛油脂分開，煎得更脆，一點都唔肥膩，好食。店員服務好好，會細心幫忙加茶。又多一個好地方跟朋友傾計食飯囉