牛大人台灣火鍋吃到飽 (大鴻輝(荃灣)中心)

營業中

休息中

💓 牛大人黑毛和牛A4吃到飽套餐除咗和牛, 伊比利亞黑毛豚肉任食之外, 仲會贈送海鮮拼盤. 超豐富, 有蠔 聖子 帶子 鮑魚 蜆 蝦. 另外仲會贈送每人兩粒嘅澳洲M5和牛丸, 食落好有瀨尿牛丸嘅感覺，因為真係會爆汁牛味，超濃郁🫣🤭食食吓店員仲攞咗個Kitkat鐵盒仔過嚟，咁啱佢哋呢期同Kitkat有合作，可以試到三款唔同味道嘅Kitkat雪條。以為盒入面有朱古力，打開原來係吉嘅，攞返去比我啲姪玩先🤣見佢哋同鬼佬涼茶有合作，叫左杯試吓。甜甜地易入口，啱晒女仔飲。除咗出面雪櫃嘅牛大人自家製飲品之外，仲可以叫依家超興嘅手打檸檬茶。甜度固定，應該屬於微甜至零甜，因為朋友覺得太酸，而我就啱啱好🤣✨ 提提大家: 和牛同黑毛豬可以揀半份㗎，我哋叫一份嘅時候低估咗份量, 大份到四個人食都夠🫣📍牛大人台灣火鍋吃到飽 (大鴻輝(荃灣)中心) (荃灣)