日本雪糕物語 (金馬倫道) (已結業)

因為系佢嗰度買完朱古力，有幾張半價買雪糕嘅coupon。就去試吓佢哋入面cremia 嘅雪糕。原價$45 ，有coupon $22.5好抵咁。叫咗個綠茶味。佢哋嘅雪糕溶得都幾快。不過牛奶味真係好濃郁。質感好細滑。配搭抹茶粉好好味。不過抹茶粉只係面頭嗰一浸有。同埋開頭食嘅時候好容易比抹茶粉濁親。搞到不停咳。雪糕杯嘅曲奇皮好鬆脆。好容易就會碎。但真係好好味。佢哋啲雪糕唔會好孤寒咁淨係面頭先有。去到雪糕筒底部都係滿滿嘅雪糕。$22.5真係好抵。最衰冇地方坐低食。搞到要企喺門口食得都好狼狽下。因為佢哋啲雪糕溶得真係好快，雪糕杯又好容易粉碎。絕對值得回購。