和牛燒肉一郎 (新都城中心二期) (已結業)

燒肉放題我地好耐冇食過，今次就去左將軍澳食呢間和牛燒肉一郎，ABC餐平日做緊特價9折優惠，咁我地就揀左C餐食（$368），佢地有6個餐選擇，可以因應自己喜好睇下食咩餐坐位坐得舒服，一人有一個夾，仲有圍裙比客人用，就算咁岩著左白色衫食都唔洗驚整污糟，仲有一舊大既肥膏開爐用，落單就係用QR code落單，運送肉既方法係用輸送帶送過黎，條輸送帶係有道門，確保食物送過黎中途都keep住衛生乾淨咁我就講下C餐既重點，首先就係頭盤只有一份既黑毛和牛2款同埋澳洲M9薄炙盛合，和牛既脂肪燒完好香，入口即溶而M9既薄燒可以叫店員幫手燒，因為我自己燒左一塊痴住係燒烤網度好難反，店員過黎幫手燒仲教要舊肥膏塗左上個網再燒熱先落肉，咁樣塊肉先會易反好多，呢個薄燒既牛味好濃，食落口覺得好有牛味C餐既特選牛有好多唔同部位選擇，同埋有唔同醬揀，我鐘意食牛肋肉同牛里脊，仲有就係薄燒牛里脊，同個頭盤既部位係一樣，都係比較好食既部位仲有覺得特別既就係生牛肉刺身，我自己本身未食過牛肉刺身，食落口感腍腍地，又幾好味，覺得好新鮮，加埋wasabi或者佢既蒜醬會更加好食熟食方面個牛肉可樂餅係我最鐘意，表面炸得夠脆，入面係薯餅既口感