影片
更多
2012-03-12
38 瀏覽
早排忙到爆-餐餐快”碌”通心粉~PROJECT完左終於大解放~~ANN姐話請大家食餐勁~我哋梗唔執輸~同事話想試下牛角--(4人有3都係牛魔王);無訂位就咁WALK-IN,等咗半粒鐘先有位呀陰公 ! Ann姐鐘情牛脷~擦鞋精嘅我梗記得叫~個鹽醬牛舌幾有咬口~爽身帶少少羶味~但勝在牛味重~四十幾蚊仲想點? 牛肋肉紋多且分佈均勻~肉質鮮嫩入口即溶~(八婆KITTY嫌油膩~心諗減肥就留喺屋企齋戒啦~!!!)一口牛我都幾like~嫩而腍 ，一人掃一碟都不為過~份量少D囉!(不過出黎食嘢有時貴精不貴多~如果唔好食~你俾多多我都唔收貨!)骨膠原沙律唔知係邊個戊丙嗌嘅~擺明係噱頭嘢嚟啦~唔通食完會補充到骨膠原???俾十個LIKE嘅仲有泡芺雪糕~泡芺熱烘烘鬆脆鬆脆~再加內裡冰凍雪糕~GOOD!伙計好醒爬~一見我哋想SHARE跟手就攞幾個碟黎俾我哋;亦有笑容兼且自動波斟水(依個係我葉小姐最基本要求~) !勿勿忙忙嘅牛宴LUNCH~好滿足!
ANN姐話請大家食餐勁~我哋梗唔執輸~同事話想試下牛角--(4人有3都係牛魔王);
無訂位就咁WALK-IN,等咗半粒鐘先有位呀陰公 !
Ann姐鐘情牛脷~擦鞋精嘅我梗記得叫~個鹽醬牛舌幾有咬口~爽身帶少少羶味~
但勝在牛味重~四十幾蚊仲想點?
牛肋肉紋多且分佈均勻~肉質鮮嫩入口即溶~(八婆KITTY嫌油膩~心諗減肥就留喺屋企齋戒啦~!!!)
一口牛我都幾like~嫩而腍 ，一人掃一碟都不為過~份量少D囉!
(不過出黎食嘢有時貴精不貴多~如果唔好食~你俾多多我都唔收貨!)
骨膠原沙律唔知係邊個戊丙嗌嘅~擺明係噱頭嘢嚟啦~唔通食完會補充到骨膠原???
俾十個LIKE嘅仲有泡芺雪糕~泡芺熱烘烘鬆脆鬆脆~再加內裡冰凍雪糕~GOOD!
伙計好醒爬~一見我哋想SHARE跟手就攞幾個碟黎俾我哋;
亦有笑容兼且自動波斟水(依個係我葉小姐最基本要求~) !
勿勿忙忙嘅牛宴LUNCH~好滿足!
張貼